bootstrap image slider by WOWSlider.com v8.8

सभामुख /उपसभामुख

माननीय सानु कुमार श्रेष्ठ

सभामुख थप जानकारी

माननीय राधिका तामाङ

उपसभामुख थप जानकारी

श्री कृष्ण हरि खड्का

सचिव, ९८४१३२९२८६ थप जानकारी
  • hello

      नेपालको संविधानको धारा १७५ अनुसार प्रदेश नं. तीनको प्रदेश सभा गठन भएको हो । यस प्रदेश सभामा सम्वन्धित प्रदेशवाट प्रतिनिधि सभामा पहिलो हुने निर्वाचित हुने निर्वाचन प्रणाली बमोजिम निर्वाचित हुने सदस्य संख्याको दोब्बर संख्यामा हुन आउने सदस्य ६६ जना र सो ६६ जनालाई ६० प्रतिशत मानी वाँकी चालीस प्रतिशतमा समानुपातिक निर्वाचन प्रणालीवाट निर्वाचित हुने ४४ जना गरी कूल ११० जना सदस्यहरु हुने व्यवस्था छ । नेपाल सरकारले प्रदेश नं. ३ को अस्थायी राजधानी हेटौंडा तोकेकोले सभाको सचिवालय हाल हेटौंडामा अवस्थित छ । २०७४ साल मंसिर १० र २१ गते भएको प्रदेश सभाको निर्वाचनवाट निर्वाचित प्रदेश सभाका सदस्यहरुको सपथग्रहण २०७४ माघ ७ गते भएको थियो । माननीय प्रदेश प्रमुख अनुराधा कोइरालाले नेपालको संविधानको धारा १८३ को उपधारा (१) बमोजिम आव्हान गर्नु भए अनुसार २०७४ माघ १८ गते प्रदेश सभाको पहिलो अधिवेशनको पहिलो बैठक ज्येष्ठ सदस्य माननीय डोरमणि पौडेलको अध्यक्षतामा बसेको थियो भने मिति २०७४ माघ २७ गते माननीय सानु कुमार श्रेष्ठ प्रदेश सभाको सभामुख पदमा निर्विरोध निर्वाचित हुनु भएको थियो । त्यसै गरी माननीय राधिका तामाङ्ग प्रदेश सभाको उपसभामुख पदमा मिति २०७४ माघ २८ गते निर्विरोध निर्वाचित हुनु भएको थियो ।

सभाको मिति २०७४ फागुन १४ गतेको बैठकवाट प्रदेश सभाले आफ्नो कार्य संचालन गर्न, बैठकको सुव्यवस्था कायम राख्न र समितिहरुको गठन, काम, कारवाही र समिति सम्वन्धी अन्य विषय नियमित गर्नको लागि संविधानको धारा १९४ अनुसार प्रदेश सभा नियमावली, २०७४ बनाएको छ र सोही नियमावली अनुसार प्रदेश सभा संचालन भईरहेको छ ।

प्रदेश सभा

प्रदेश सभा परिचय
पुरा पढ्नुहोस्
प्रदेश सभा

प्रदेश सभा

नेपालको संविधानको धारा ५६(२) बमोजिम राज्यशक्तिको प्रयोग संघ,  प्रदेश र स्थानीय तहले कानून बमोजिम हुने ब्यवस्था रहेको र धारा १७५ बमोजिम पहिलो हुने निर्वाचित र समानुपातिक निर्वाचन प्रणालीबाट निर्वाचित सदस्यबाट प्रदेश सभाको गठन हुने प्रावधान मुताविक संविधानको अनुसुचि ४ बमोजिम उल्लेखित १३ जिल्ला (मकवानपुर, चितवन, धादिंग, रसुवा, नुवाकोट, काठमाडौ, भक्तपुर, ललितपुर, काभ्रे, सिन्धुपाल्चोक, सिन्धुली, रामेछाप, दोलखा) का  ११० जना माननीय सदस्यहरु सम्मिलित यस प्रदेश सभा प्रदेश नं. ३ गठन भएको छ ।

पहिलो हुने निर्वाचन बाट निर्वाचितबाट ६६ ‍जना,  समानुपातिकबाट ४४ जना,  दलगत तर्फ तत्कालिन नेकपा एमाले बाट ५८ जना,  तत्कालिन नेकपा माओवादी केन्द्रबाट २३ जना, कांग्रेसबाट २१ जना,  विवेकशील साझा पार्टीबाट ३ जना,  नेपाल मजदुर किसान पार्टीबाट २ जना , राप्रपा प्रजातान्त्रिकबाट १ जना,  राप्रपाबाट १ जना, स्वतन्त्र (नयां शक्ति पार्टी) बाट १ जना माननीय सदस्यहरुको प्रतिनिधित्व रहेको छ ।

२०७४ माघ ७ मा प्रदेश सभा सदस्यको सपथग्रहण पश्चात प्रदेश सभा, प्रदेश नं. ३ को  २०७४ साल माघ १८ गते पहिलो बैठक बसेको थियो ।

प्रदेश सभाका पदाधिकारीहरुमा सभामुखमा माननीय सानुकुमार श्रेष्ठ, उपसभामुखमा माननीय राधिका तामाङ, प्रदेश सभामा प्रतिनिधित्व गर्ने राजनीति दलको संसदीय दलका नेतामा माननीय डोरमणी पौडेल,  प्रदेश सभामा विपक्षी दलका नेतामा माननीय इन्द्र बहादुर बानिया, मुख्य सचेतकमा माननीय रामेश्वर फुयाल,  प्रमुख सचेतकमा माननीय राधा घले, सचेतकहरुमा क्रमश: नेकपा एमालेबाट दिपक निरौला , नेकपा माओवादीबाट केन्द्रबाट माननीय बुद्धीमान माझी,  कांग्रेसबाट माननीय छिरिङ दोर्जे लामा, नेपाल मजदुर किसान पार्टीबाट माननीय सुरेन्द्र राज गोसाइ,  विवेकशील साझा पार्टीबाट माननीय रमेश पौडेल, राप्रपाबाट माननीय रिता माझी, राप्रपा प्रजातान्त्रिकबाट माननीय रिना गुरुङ  र सभाका माननीयसदस्यहरु तथा प्रदेश सभाका सचिवको रुपमा  श्री रामशरण घिमिरे रहेका छन् ।

यस सभामा मिति २०७४ साल चैत्र १५ मा ५ वटा विषयगत समिति र सभा संचालन सहजताका लागि कार्यब्यवस्था परामर्श समिति, नियामवली संशोधन समिति तथा स्थायी राजधानीको टुंगो गठन भइ समसामयिक विषयमा नियमित छलफल गरि सम्बद्ध निकायहरुमा निदर्शन दिने कार्य हुंदै आएको छ ।

कार्यब्यवस्था समितिमा सभामुखको अध्यक्षतामा १४ जना माननीय सदस्य, उद्योग पर्यटन तथा वातावरण समितिमा माननीय रमा आले मगरको सभापतित्वमा १९ जना माननीय सदस्य, अर्थ तथा विकास समितिमा माननीय सरेस नेपालको सभापतित्वमा २० जना माननीय सदस्य,  प्रदेश मामिला समितिमा माननीय माधव पौडेलको सभापतित्वमा २१ जना माननीय सदस्य,  सार्वजनिक लेखा समितिमा माननीय न्हुच्छे नारायण श्रेष्ठको सभापतित्वमा २१ जना माननीय सदस्य, शिक्षा, स्वास्थ्य तथा कृषि समितिमा माननीय घनश्याम दाहालको सभापतित्वमा १९ जना माननीय सदस्यहरु रहेका छन् ।प्रदेश राजधानिको सम्भाब्यता अध्ययन विशेष समितिमा माननीय दिपक निरौलाको सभापतित्वमा १३ जना माननीय सदस्य, नियमावली संशोधन मस्यौदा समितिमा माननीय रामेश्वर फुयालको सभापतित्वमा ७ जना माननीय सदस्यहरु रहेका छन् ।